ordinario

Información de la editorial:

Precisas entender a economía actual?

Este é o libro que necesitas. A introdución á economía en banda deseñada, volume II: macroeconomía é a introdución ao desemprego, á inflación e á débeda máis accesíbel, intelixíbel e divertida que poderás ler xamais. Mentres que o volume I: microeconomía se centraba no individuo optimizador, o volume II: macroeconomía, explica os factores que afectan a economía dun país e mesmo de todo o planeta. A obra explora as dúas grandes preocupacións da macroeconomía: como crecen as economías e por que sofren colapsos. A obra ilustra os aspectos básicos do mercado laboral e explica que é e que mide o PIB, así como a influencia do estado, do comercio e da tecnoloxía sobre a economía. Ao tempo, aborda a teoría económica da pobreza mundial, o cambio climático e o ciclo económico. En poucas palabras, se atopaches calquera deses termos nun xornal e desexaches ser quen de entendelos, este é o teu libro.

Tradución realizada como actividade de innovación docente dentro do grupo GRETTEL da Universidade de Vigo, coordinada pelos profesores Marta García e Eduardo L. Giménez

“A xente non adoita sorrir ante o desemprego, a inflación ou as recesións, mais escacharán da risa con esta obra ao tempo que gozan dunha boa introdución á macroeconomía.”

Eric Maskin, premio nobel de economía

“Se non queres chorar polo estado da economía, por que non rir? esta obra é unha introdución ideal á macroeconomía para todos aqueles que pensan que deberían entender o que ocorre ao seu arredor mais se botan atrás pola densidade dos textos e a xerga económica.”

Diane Coyle, autora de the economics of enough.